الدوناتس الرائعة من مطبخ الشيف لطيفة

السلام عليكم ورحمة الله وبركاتة

وصفة النهاردة هي الدوناتس بطريقة الشيف لطيفة
مقادير الدوناتس

استخدمت كوباية ومعلاق القياس وممكن تستخدمي كوباية الماية العادية

1 بيضة
20 جرام زبدة أو 2 معلقة كبيرة
1/2 كوباية ماية

معلقة كبيرة خميرة فورية او حتة خميرة بيرة
1/4 ملعقة صغيرة ملح
1 معلقة طعام لبن بودر
1 معلقى طعام سكر
3/4 1 كوباية دقيق (كوباية وثلاثة أرباع الكباية)
حنحط الدقيق والملح في طبق
وفي كسرولة حنحط (الماية والزبدة والخميرة والسكر واللبن البودرة )

حنسخنهم لكن ما يوصلوش لدرجة الغليان ولو تلاحظو حتة الزبدة لسه ما ذابتش بشكل نهائي دليل على اني الماية يادوب فاترة . حنبعد الكاسرول على النار وحنضيف البيضة ونخفق كويس


كدة العجينة اول ما لمت معايا نزلتها وحبدأ أخدمها كويس علشان لسة محتاجة عجن
هنا بصو لسه محتاجة عجن كمان علشان تبقى متماسكة كويس جدا

بصو يا جماعة القوام بتاعها طري وبيلزق لكن بيلم بسرعة مش بيدايقنا

عظمة على عظمة بقت جاهزة و100%
هنا صوره قريبة لشكل العجينة وده القوم الي لازم نوصلو مش بس في الدوناتس لا في اي نوع عجينة كان

حنحتاج يا جماعة لقطاعة الدونتس وده شكلها . في مقاسين صغير وكبير
حنفرد العجينة بسماعة 1 سم بس يعني رفيعة جدا ليه بقى . اسأليني لية ؟ سألتيني ليه حقولك . علشان أنا ما خمرتهاش بعد ما عجنتها على طول بدأ أفرد وأقطع علشان كدة حفردها رفيعة علشان حتخمر بشكل كبير . وده نظامي في اي نوع معجنات زي ما بتعرفوا . لكن لو كنتي من النوع الي بيعجن وبعد كدة يخمر ويرجع يقطع حتفرديها بسمك 2 سم علشان مش حتخمر كتير زي لو اشتغنا فيها على طول .

ورصيت الدوناتس في صواني متبطنة بورق زبدة ومرشوشة بالدقيق بالشكل ده

هنا يا جماعة بعد ما سبتهم يخمر بصو حجمهم كبر ازاي .

الدوناتس محتاجة زيت مش غزير ومحتاجة نار هادية علشان تستوي من جوه وتبقى ذهبية من برى

وحطيت في الطاسة الي عليهم العين والنية الدوناس ونحاول يا جماعة ما نحطش في الطاسة كتير يا دوبك كم حبة كدة علشان يعرفو يتقلو كويس ويفضلوا محافظين على شكلهم
وهنا لما طلعتهم على ورق نشاف علشان نتخلص من باقي الزيت

للتزيين
لكل 1/2 كوب سكر بودرة حنحتاج ل1 معلقة كبيرة زبدة وشوية ماية على قد ما نحتاج). هنا حطيت الزبدة وكمية بسيطة من السكر البودرة وبدأت أقلب


وده بقى شكلها

وبعد كدة أضفت باقي السكر وكمية قليلة من الماية وبقلب كويس لحد ما تبقى بالصورة دي


وهنا شكل الدوناتس لما غطيتها بيه

وزي ما احنا عارفية الدوناتس بتبقى عجينة مع السكر البودرة




بالهنا والشفا